حكايه قصر البقاله

حكايه بسيطه هنحكى فيها عن اخر بقال دخل قصر البقاله

وقعد كتير فى قصر البقاله
تعرفو هو مين يا قطاقيط

هو عمو حسنى البقال

بقال قديم من ايام البقالين العتاوله
هحكيلكو قصتو
كان فى قبليه بقال كبير قوى
وحسنى كان لسه بقال صوغنون
وقف حسنى جمب البقال الكبير
ونده لشويه عيال بلطجيه
موتو البقال الكبير وهو واقف جمبو عااااااااااااامل عبييييط وقالك صباعى البلطجيه عورو صباعى يالهوى
بعد كده بقى هو البقال الوحيد اللى فى المنطقه
ودخل قصر البقاله برجل البمبن
وبرطع براحت اهلو ف القصر

وقف فوق قصر البقاله وقال
يا اهل الحته من النهارده هرخص كل حاجه فى قصر البقاله
من النهارده هتعيشو فى جنه
اهل الحته مكدبوش خبر وايدوه
عمنا حسنى البقال يقوم يعمل ايه
يظبط الحياه مع الشعب لحد ما يمسك فى الكرسى
بعد كده يطلع عين ام الشعب وراهم ايام سودا يا اخونا
بس طلعلو فى البخت ( الاخوان البقالين )
وقفلو زى القرعه ف الضفيره
مبقاش عارف يعمل منهم حاجه

وفتحو دكان بقاله وبجدكانو ناس عندهم زمه
الناس بدأت تروحلهم ويسبو الراجل بتاع قصر البقاله
طيب عمنا حسنى يعمل ايه
بدل ما يعمل زى الاخوان البقالين
لا ده بنى أوضه صغيره كده وسماها ( امن بقاله الدوله )
وجاب ( حشمت ) ازبل صبى عندو ومسكو زمام الاوضه دى
وقالو يا حشمت انا عايزك تظبطلى اى حد يروح ناحيه الاخوان البقالين
ولو الاخوان البقالين نفسهم عملو اعلانات هاتهم هنا واسحلهم
وفضل عمو حسنى يغلى كل حاجه
ويظلم كل الناس
وبقا كل شويه واحد من اصحابو
يروح واخد شوال رز
ويروح هربان
ويحط الشوال فى مغلق سرى فى سويسرا
و عدت الايام ومرت السنين
وكل يوم واحد من اصحاب عم حسني البقال ياخد شوال و يخلع

وواحد صاحبهم حب يسهل العملية قوم يعمل ايه...

بني عبارة البقال 98

وحمل عليها عبيد وخادمين وناس كتير بقالين
و مشيت العبارة ....
تقولش نورماندي 2 يا اخواتي
و سرحت في البحر زي الرهوان ( حاجة تقال انها سريعة ولكن لم يتم التعرف عليا بعد)
و هما في امان الله هوب الموضوع قلب معاهم تيتانك
قال ايه
العبارة كانت محتاجة صيانة
يا اخي هع
جريو الناس شيخ البقالين يطالبو براس البقال الحقير اللي عمل عبارة الموت و غرق بيها ناس كتير
كبير البقالين زعق وقال ازاي ده يحصل هتشوفوا هعمل ايه في الحال
راح لعم حسني البقال قالوه يا عم حسني الحقنا البقال بتاع العبارة هرب بره البلاد
و الناس لو عرفوا هيقطعوانا قوم عم حسني يعمل ايه
بدل ما يجيب لابقال اللي هرب
قال عتمو علي الخبر و انسوا اللي غرق
وادو شوال رز لكل واحد من اهل الغرقانين
اهالى الغرقانين شافو شوله الرز
قالو عليه العوض ومنو االعوض
ـــــــــــــــــــــــــــ
وادرك البقال الصباح - وسكت عن الكلام المباح
ونكمل كلمنا يا قطاقيط فى الجزء التانى من حكايه عمو البقال
_________________

هههههههههههههههههههههههههههههه
اشطة ياض

جامدة اخر حاجة استمر يا مان

بسجل متابعة
_________________