انا بقيت مش انا

و انا صغير كنت بتفرج علي التلفزيون

القناة التانية ايام ما كانت ق2

و تحديدا الافلام العربي
كان كل
ما حد يسأل طفل صغير ( نفسك تطلع ايه يا حبيبي)

معروفة طبعا يا اما مهندس يا اما دكتور

وانا كنت بموت في الافلام العربي

وكان حلمي اني اطلع مهندس ظابط دكتور

ولما كبرت
خدت الاعدادية
بـ 95%

مهندس ظابط دكتور بقي يا جدعان حقي

و دخلت جهنم الحمرا الثـانوية العامة

طبعا مفيش بني ادام بيذاكر في اولة

عادي عدنا اولة تانية بقي يا معلم و الواد علمي و بيبخر كل يوم

الحسد وحش برده

طب تانية الواد بيذاكر و الروس مطلعة عين .... امه

من كميا لفرنساوي لعربي لرياضة

بيذاكر يا اخونا الواد زهق من المذاكرة في اخر شهر تعب اغمن علية دخل الامتحانات

و كانت النتيجة 85%

يا نهار ابيض الواد لازم يموت يا وليه سيبني عليه هموته
يا حاج اهدي دا انت عندك ضغط و سكر

عليا النعمة ليكمل علمي
ازاي يا حاج
اخرس انت ليك عين تتكلم
حاضر خرسنا

و يجيب 100%

طب ازاي دي بقي

ياد اخرس بدل ما اقوم اموتك

خلاص يا عمنا هكمل علمي مش مشكلة انا اساس بكره الادبي
و بعدين متخليش كبوة زي دي تأثر عليك

كملنا

علمي و طحنت نفسي مذاكرة لازم احقق السنة دي مينفعش نقع

14 ساعة مذاكرة في اليوم
7 ايم في الاسبوع
4 اسابيع في الشهر
6 اشهر في السنة

بيذاكر الواد جه في اخر شهر و تعب
مش عارف يمسك الكتاب زهقان منه
بني ادام برده

و الامتحانات

فيزياء رياضة 2
اقتصاد و احصاء

و النتيجة 73% Idea

نعم انت بتهزر

و الله هيا دي نتيجة

الحاج في المستشفي موت ابوك و فضحتنا قدام الناس

و مسلسل هنادي فين يا اماي

الحاج خرج من المستشفي و اعلن حالة حداد اربعين يوم في البيت

طب ناوي عليه انا عايز ادخل كلية اداب

لا هتخش هندسة

اصل الحاج مهندس كبير اوي

يا حاج حضرتك انا جايب 80%

هيا الحادثة اثرت علي مخك و لا ايه

انا هدخلك هندسة خاصة

هتطلع مهندس يعني هطلع مهندس

يا حاج بس انا مش بحب تالهندسة
هتخش ولا اموتك
انا بحب الهندسة اوي يا حاج

ههههههههههههههههههههههههههههههههههههههههههههه

طبعا مبروحش

مش طايق الهندسة
وكانت النتيجة

التيرم الاول

شايل 6 مواد

طب خلاص يا ابني انا غلطت
خش اداب السنة الجاية واقعد في البيت التيرم ده

وهكذا اصبحت من مهندس ظابط دكتور
الي
صايع برتبة لواء

القصة دي مش قصتي انا بس

قصة ناس كتير

يا تري ايه رأئكوا فيا

موضوع قابل للنقاش

_________________

تعرف يا ابو الادامن

انا مصيرى كان هيبقى زيك كده

بس ماعرفش هى الظروف اللى خدمتنى ولا انا اللى خدمت نفسى لما رفضت انى استسلم

كل مدرسينى والعيلة شايفين انى انفع دكتورة جدا

(( قد يجوز بسبب النضارة ههههههههههههههههه ))

بس انا مش شايفة نفسى دكتورة ولا اصلا بطيق السيرة دى اصلا

ولا بطيق الكميا ولا الفزيا ولا الشلل دا كله

فجيت فى سنة اولى بابا بيقولى سارة هما مش بيدوكى ورقة رغبات علشان تشوفى هتدخلى ادبى ولا علمى

قلتله اه يا بابا ادوهانى واخترت ادبى

دا اكيد تعبير وش بابا ههههههههههههههههههههههههه

فقلتله ايه يابابا مش احنا اتكلمنا فى الموضوع دا قبل كده ؟!!

بابا سكت تقريبا حس انى ما استحقش انه يرد عليا هههههههههههههه

وكملت وكل الناس بتهزأ فيا علشان هبلة ومش عارفة مصلحتى

وزاد الطينة بلة انى فى كل المواد العلمية فى سنة تانية جايبة درجات اقل من النهائى بانصاص بس

وفى التاريخ جبت العار الاسود .. 34.5

وجات للناس على الطبطاب واما صدقوا بقى

قلنااااااااااااااااالك ماتنفعيش فى الادبى

وكملت ادبى وبابا حاول معايا تانى يفرض عليا اختياره

وحاول انه يقنعنى ادخل تربية

عارف كان فى امل ادخل اعلام بس كنت بدعى ربنا فى الصلاة ما ادخلش تربية وكنت بنسى ادعى ادخل اعلام ههههههههههههه

بس الحمد لله كملت ونفس الناس

نفس الناس اللى قالولى قولنالك مش هتفلحى هم هم الناس دول

لما كملت وبدأت معالم طريقى توضح

قالولى انتى من الاول ميولك اديبة وكنتى لازم تكونى كده

دى حكايتى ، مش حكيتها من بابا الفضفضة

لكن حكيتها علشان عايزة اقول حاجة

- لو كان عندك هدف هتحارب علشانه

- ولو اتمسكت بهدفك صدقنى هتقدر تقنع اللى حواليك بيه

- ولو حتى ما اقتنعوش وكملت انت وهم معترضين ووصلت لهدفك الصح هتلاقيهم فى الآخر اقتنعوا بيك

بس اهم حاجة انت تقتنع بنفسك

اسفة على الاطالة يا ابو الادامن بس كلام كان لازم يتقال

وبجد موضوع مهم جدا

_________________

مرحبا
والله موضوع يا ابو الادامن على الوجع
يمكن انا معانية نفس المعاناة بس مو من اهلي
يعني انا دخلت ادبي عن رغبة وقناعة وحب
واهلي ابدا ما بعترضو
كنت بتمنى ادخل ارشاد نفسي
لاني بعشق علم النفس
بس المشكلة بنظام التعليم بسوريا
يعني على حسب مجموعك بتكتب رغباتك بالكليات اللي ليها نفس المجموع او اقل
اللي بسموه عندنا مفاضلة اولى
وتأملت وعشت الدور
لحد ما طلعت المفاضلة التانية واللي فيها مرفوعة علامات القبول بشكل رهيب
وطبعا ما طلعلي قسم ارشاد نفسي طلعلي قسم تطوير مناهج
وبصراحة انا ما حبيت اطلب من اهلي تعليم خاص او موازي
عشان اكون زيي زي اخواتي
طبعا النتيجة
اني في اول ايام الدوام
كنت اعيط كل يوم الصبح لاني ما بدي اروح
رسوب السنة الاولى
عدت السنة ونجحت باعجوبة
المشكلة اني ما بشعر باي انتماء بخليني احب كليتي
بس هلأ انا راضية بالواقع لانو ما بتغير
وان شاء الله بعد التخرج رح يتحسن الوضع

بس بالنسبةالك
يمكن وضعك كشاب بخلي اهلك يحلمو بمستقبلك
يعني انا كتير متفهمة نظرة الاهل
لانهم بفكرو انو ابنهم المراهق ما رح يقدر يتخذ القرار المناسب بمصيرو
لانهم هم عاشو هيك وتربو هيك

بصراحة انا هلأ ندمت
يعني ضيعت سنة من عمري على الفاضي
بالاخر هو دة الموجود افلح فيه ونمي قدراتك بالشيء اللي انت بتحبو
وبعدين شوف انت رح تبدع بشو؟؟
وفي كتير ناس درسو اختصاص واشتغلو وبعدين درسو اختصاص تاني
يعني دايما الحل موجود
والامل موجود

اسفة طولت بالحكي كتير

ههههههههههههههه
اشرك يا جوجو
لردك ع الموضوع

وانا مكنتش اعرف ان الموضوع ده في العالم العربي كلة

ربنا معانا
_________________

يا ابو الادامن
المشكلة منتشرة في كل الدول العربية
يعني صعب على كل الاهالي يتقبلو انو شاب يدخل ادبي
حيطلع ايه يهني

وحجات غريبة
بس يعني لكل واحد نصيبو

بصراحة الادبي كتير حلو
بالامارات الادبي فيو رياضيات وفيزيا وكيميا وأحياء
يعني ممتع جدا
عم انو مواد كتير
وقريبا رح يلغو الادبي والعلمي
ويمكن هيك افضل عشان تتعدد الخيارات للطلاب

بس اصبرو واستنو لحد ما اتخرج
وابقى وزيرة التربية والتعليم
وحل مشكلات التعليم
هههههههههه

انا هستني
بس بسرعة

انا بقيت حاسس
لن العيال بقوا متخلفين عقليا
_________________

باشا عامل ايه
احب اتحيك يا كركر قصدى يا ميدو على الموضوع ده
اللى هوا فعلا مشكلة كل الشباب
بس فعلا لو كنت عايز حاجة لازم تحارب عليها
زى مانا عملت بالظبط
جبت مجموع فى الثانوية زبالة يار اجل
بس عشان كان نفسى ادخل حاجة كويسة وبالتحديد اداب انجليزى
دخلت معهد لغات
وربنا يستر يا ميدو
انا الفار بيلعب فى ودنى
elsha3erاخوك

اكيد دلوقتي ده مصير كل طالب ثانويه عايمه دلوقتي بعد ما الكليات هترفع نسبه القبول وفي الكام سنه الجايين ثانويه هتبقا سنه واحده و3 ترمات يعني حاجه زفت وهيخلو الي مخلص ثانويه يقدر يخش سوق العمل بيها وبيعملو اختبار قدرات عشان يحدوو المهنه شوفت كلام الحكومه؟؟؟؟؟ يعني الي معاه بكرليوس من اي كليه مش لاقي شغل يبقا الي معاه ثانويه هيلاقي؟ انا اعرف صاحبي مخلص بكرليوس هندسه دفعه 2004 شغال في محل عصير قصب هههههههه والله العظيم قصب المهم انا كنت نفسي اخش كليه علوم وبأذن الله هتلاقي كل يوم المطافي عند المعمل بس طبعا في البيت يعدو يقولو ملهاش مستقبل ملهمش نصيب مش بيعملو حاجه بيطلعو مندوبين مبيعات لشركات ادويه طب يا جدعان سبوني براحتي لا لازم يعكنونو عليا خش هندسه يا واد دول بيطلعو بره بيقو حاجه عاليه والشغل في الكويت عليهم ناااااااار طب انا مش بحب الرياضه لا تحبها مفيش حاجه اسمها مش بتحبها ديه 50 درجه تضمنها في اوله طيب ماشي هحاول لا مفيش حاجه اسمها هحاول انا لو جبت 46 فيها كرم من ربنا لما اخش 3ث هعمل ايه في رياضه اتنين ديه موال تاني خالص وبعدين الشديد في الرياضه يبقا شغال في الفيزياء الولي طيب خش رياضه 2 بردوه وخش كليه حسابات ومعلومات قولت تمام هيبقا مجالي كمبيوتر حاجه بفهم فيها المهم سألت واحده فيها التلي فيها رياضه بالعبيط اولت الله يحرق ابو التعليم كنت دخلت صنايع وبمذكرتي ده لو كنت ذاكرتها في صنايع كنت هجيب 99.5% ونص التاني هنقصه حسن خط وتنظيم ورقه ودخلت هندسه مرتاح ههههههههه المهم اتعقدت خلاااااااص بقيت بقلب من الدروس هههه اعدت شهر بحاله مش اروح جبت 700 جنيه فيه هههههههههههه وخلاص نسيت المناهج الكيمياء الي كنت الحمد الله متوقع اقفلها بقيت ضامن دلوقتي اخش دور تاني فيها الانجليش الي هو اصلا يعتبر لغتي التانيه الي بتكلم فيها مبقتش بروح ونسيت وكل حاجه بقت تحت يعني مش هقفله العربي هههههههههههههه نسيته كل حاجه نسيته جايين دلوقتي في اخر شهر تقولوا اتجدعن عشان تخش الكليه الي نفسك فيها؟ محدش شاف غباء كده؟ كل الاهالي كده عندهم كميه تراب في دماغهم تكفي بلد بحالها دول ناس كبرو وخرفوا طبعا جوايا كتب طلعت فيهم كالتهم التلهم انتو السبب انتو عقدوتني وخلتوني اعمل كده جايين دلوقتي تقولو ذاكر عشان تخش علوم ترترترام رحت مطلع المسدس وقتلتهم واحد واحد معادا اختي الصغيره عشان مش عملت حاجه ههههههههه هو ده حال العائلات المصريه يا جماعه مع طلاب الثانويه..... اشوف فيهم يوم

موضوع: رد: انا بقيت مش انا السبت ماي 17, 2008 2:27 am

مرحبا
يا كابتن مركب الحزن
هو انت ما لقيت غير الخزن عشان تركب فيه؟؟
طيب اركب مركب الامل مهو موجود بوفرة

ثانيا
انت عمرك 16
يعني معقول ضيع مستقبلك عشان حبتين عناد
انا فاهمة اللي انت بتمر فيه وعارفة صعوبة الوضع
بس لا تلوم اهلك
انت شوف اهلك اكبر منك بكم سنة؟
وشوف هم راحو المدرسة اي سنة؟
يعني لو افترضنا 30 سنة
اكيد كل شيء اتغير
التغير هاد انت ممكن تتقبلو وتفهمو وتتاقلمك فيه لانك عشت بهاد الزمن
بس الاهل بفكرو زمنهم لسة شغال ومش حيطلع تقاعد
انت يعني اختار الخيار الافضل الك واللي تضمن فيه مصلحتك
يعني دراسة فرع انت ما بتحبو ولا الجلوس بالبيت
اكيد طبعا الاختيار الاول
لان الزمن ما افي امكنة اللي الناس اللي ما بتحب العلم شوماكان
انت حتى اخدت موقف من الشغلات اللي انت بتحبها

هاي المواقف اسمها صراع الاجيال
وهاد شي كتير عادي اللي بسنك (ما انا اكبر منك ههههه)

بس فكر بمنطق اكتر
وحاول تدور على حل يرضيك ويرضيهم
قبل فوات الاوان
تقبل كلامي من اختك جوجو
على فكرة انا اخوي الصغير قدك
ونفس الكلام بحكيلو ياه
بمارس الدور بالبيت وبالمنتدى
ههههههه
يالله سلام